Македонците меѓу најбројните илегални работници на црно во Германија

0
119
views
Schwarzarbeiter
loading...

Работата на црно во Германија се зголемила во однос на претходната година. Во првата половина од годинава се поведени 65.755 постапки за работа на црно.

Во првите 6 месеци од годинава се отворени 65.775 постапки за работа на црно, или 3342 постапки повеќе во споредба со истиот период лани. Тоа е зголемување од 5 проценти. Кај лицата кои илегално престојуваат во Германија и работат на црно забележан е плус од дури 28%, пишува весникот „Велт“, повикувајќи се на доверлив извештај на „Центарот за заеднички анализи и стратеги“ (ГАСИМ).

Илегалните работници на црно, според овој извештај, потекнуваат главно од десет земји: Македонија, Албанија, Србија, Босна и Херцеговина, Виетнам, Украина, Турција, Косово, Молдавија и Гана. „Мнозинството работници против кои е покрената постапка за ‚недозволен престој‘ работеле во градежништвото, угостителството и други услужни дејности, без притоа да имаат неопходна дозвола“, стои во извештајот.

Весникот „Велт“ ја пренесува оценката на претседателот на групата за царина при Полицискиот синдикат, Франк Букенхофер, кој вели дека зголемувањето на бројот на постапки не е доволен: „Бројките се зголемуваат затоа што царината спроведува повеќе контроли во борбата против работењето на црно, но тоа според нас сѐ уште не е доволно“.

Бројот на контроли се зголемува, но сѐ уште не доволно
И Томас Либел, заменик шеф во германскиот Синдикат на царината, се жали дека има „значителен персонален дефицит при финансиските контроли во делот на работењето на црно“ и дека тука ништо не е променето во последните години. „Тоа особено е видливо во сферата на многу обемните истраги против мафијашките структури во делот на работа на црно“, вели Либел за „Велт сам Зонтаг“.

ИЗВОР: DW

Loading...